Ishki ister mınıstriniń birinshi orynbasary Marat Qojaev el óńirlerinde bolyp jatqan sý tasqyny saldarynan qaza tapqan adamdardyń sanyn atady, dep habarlaıdy Egemen.kz.
«Mundaı qaıǵyly oqıǵa birneshe óńirde tirkeldi. Atyraý oblysynda 4 adam, al Túrkistan oblysynda kishkentaı bala sýǵa batyp ketti. Atalǵan oqıǵalar boıynsha qylmystyq is qozǵalyp, aldyn ala tergeý amaldary júrgizilip jatyr», dedi Qojaev.
BAQ ókilderi Abaı oblysynyń Aıagóz aýdanynda bolǵan oqıǵany da tilge tıek etti. Eske salaıyq, Aıagóz aýdanynda 2 adam traktormen birge sýǵa batyp ketken edi.
«Barlyq derek boıynsha qylmystyq is qozǵalyp, tergeý qorytyndysy boıynsha tıisti sheshim shyǵarylady», dedi vıse-mınıstr.