Premer-mınıstrdiń orynbasary Qanat Bozymbaev Ekologııa jáne tabıǵı resýrstar mınıstrligi men Tótenshe jaǵdaılar mınıstrligi basshylyǵynyń qatysýymen órt qaýpi joǵary kezeńine daıyndyqty kúsheıtý is-sharalaryn pysyqtady.
Búgingi tańda TJM-de 441 órt sóndirý bólimshesi jumys isteıdi. О́ńirlerde 230 erikti qurylym, sondaı-aq jergilikti atqarýshy organdardyń 709 beketi bar. Vıse-premer memlekettik órtke qarsy qyzmet joq jerlerde taǵy 49 órt sóndirý beketin qurýdy jedeldetýdi tapsyrdy.
О́rt qaýpi joǵary kezeńge daıyndyq sheńberinde 272,5 mln ga alańda ǵaryshtyq monıtorıng júrgiziledi. Alaıda jer serikterinen alynǵan derekter, tek el aýmaǵy tolyq barlanǵan soń, birneshe saǵattan keıin TJM stansasyna jiberiledi. Búginde SDIAО́M vırtýaldy stansa qurý boıynsha jumys isteýde. Bul órt oshaǵyn anyqtaý jáne jer serikten túsirilimdi júkteý arasyndaǵy ýaqytty 20-40 mınýtqa deıin qysqartýǵa múmkindik beredi.
Orman qorynyń qaýipsizdigin qamtamasyz etý jáne órt qaýpi joǵary kezeńge daıyndyq barysy Prezıdent pen Úkimettiń erekshe baqylaýynda. Ekologııa jáne tabıǵı resýrstar mınıstrligi 158 memlekettik orman ıelenýshini tekserdi. Tekserý qorytyndysy boıynsha sala basshysy Erlan Nysanbaev «Semeı ormany» rezervaty, sondaı-aq Pavlodar, Aqmola jáne Qostanaı oblystary órt qaýpi joǵary kezeńge tolyq daıyn emes dep málimdedi.
Sonymen qatar JJM rezerviniń joqtyǵy, orman órt sóndirý stansalary ǵımarattarynyń apatty kúıde ne tipten bolmaýy, órt sóndirý munaralarynyń jetispeýshiligi, arnaıy tehnıkanyń tozýy syndy kemshilikter anyqtalǵan. Rasııalardyń bolmaýy jáne arnaıy kıimderdiń jetispeýshiligi máseleleri de ózekti.
Qanat Bozymbaev byltyrǵy «Semeı Ormany» rezervatynyń tragedııasy qaıtalanbaýǵa tıis ekenin atap ótip, anyqtalǵan kemshilikterdi joıý boıynsha shuǵyl sharalar qabyldaýdy tapsyrdy.
«Abaı jáne Qostanaı oblystarynda bolǵan iri tabıǵı órtterdiń saldary áli de esimizde. Árbir qyzmetkerdi órtke qarsy arnaıy kıimmen, rasııalarmen jáne qajetti qural-jabdyqtarmen mindetti túrde qamtamasyz etý qajettigine erekshe nazar aýdarǵym keledi», dedi Q.Bozymbaev.
Keńes qorytyndysy boıynsha vıse-premer óńirlerdiń ákimdikterine bir aptada tabıǵı órtter qaýpin tómendetý boıynsha óńirlik is-sharalar josparyn ázirleýdi jáne bekitýdi tapsyrdy.
«Oblys ákimderi óńirlik is-sharalar josparlaryn iske asyrýǵa tikeleı jaýapty», dedi vıse-premer.
Sondaı-aq TJM-ge bir aptalyq merzimde aerovızýaldy baqylaý jáne órtti sóndirý úshin kórsetiletin tikushaq qyzmetiniń kólemin ulǵaıtý boıynsha usynystar engizý tapsyryldy.
Ekologııa mınıstrligine orman qory aýmaǵynda órtterdi erte anyqtaý júıelerin ornatý, orman jáne tabıǵatty qorǵaý mekemelerin materıaldyq-tehnıkalyq jaraqtaý jumystaryn jandandyrý tapsyryldy.
Budan bólek, IIM men ákimdikter órt qaýpi joǵary kezeńde jeke tulǵalardyń orman qory aýmaǵynda bolýyna jol bermeý, onyń ishinde yqtımal qasaqana órteýden saqtaý sharalaryn qabyldaıdy. Mundaı faktiler anyqtalǵan jaǵdaıda azamattar zańǵa sáıkes jaýapkershilikke tartylady.