Memleket basshysy Qasym-Jomart Toqaev otandyq kásipkerler men iri kompanııalarǵa sý tasqyny saldarynan zardap shekken azamattarǵa kómek kórsetýdi tapsyrǵan edi. Osy oraıda Maqsut Narikbayev University Prezıdenttiń bastamasyn qoldap, qıyn jaǵdaıǵa tap bolǵandarǵa tikeleı kómek kórsetý týraly sheshim qabyldady, dep jazady Egemen.kz.
«Otandyq bıznestiń barlyq ókilderin osy jaýapty sátte shette qalmaýǵa jáne adamdarǵa kómek qolyn sozýǵa shaqyramyn. Tabıǵı apattan zardap shekken barlyq turǵyndar men óńirlerge barynsha qoldaý kórsetý qajet. Búginde bul bárimiz úshin ortaq mindet», dedi Memleket basshysy 1 sáýirde ótken respýblıkalyq shtab otyrysynda.
Maqsut Narikbayev University bul úndeýge belsendi atsalysyp, tabıǵı apattan zardap shekkenderge qarjylyq kómek kórsetý maqsatynda qaıyrymdylyq qorlaryna qomaqty qarajat bóldi.
Al MNU stýdentteri qaıyrymdylyq jármeńkesin uıymdastyryp, Eýrazııa ulttyq ýnıversıtetimen birlesip Qostanaı jáne Atyraý óńirlerine gýmanıtarlyq kómek jiberdi.
Sondaı-aq ýnıversıtet sý tasqynynan zardap shekken stýdentterdi oqytý úshin 10 grant bólýge nıetti ekenin habarlady. Oǵan qosa grant ıegerlerine qosymsha qoldaý kórsetý maqsatynda stýdenter úıinen kezekten tys oryn bólý týraly usynys qoldaý tapty.
Aıta keteıik, sý tasqynynan zardap shekken aımaqtarǵa gýmanıtarlyq kómek jınaý jumystary odan ári jalǵasady.