19 sáýirdegi jaǵdaı boıynsha Qazaqstandaǵy sý tasqyny jaǵdaıyna beıjaı qaramaıtyn el azamattary men otandyq kompanııalardan 2,54 mlrd teńge jınaldy. Zardap shekkenderge qarajat jınaý 30 sáýirge deıin jalǵasady. Jınalǵan qarajat baspanasyz qalǵan otbasylarǵa úı turǵyzý jumystaryna jumsalady, dep habarlaıdy Egemen.kz.
Myńdaǵan azamat qyzyl sýdan zardap shekkenderge múmkindigine qaraı qarajat jiberip jatyr. Olardyń qatarynda Qazaqstan azamattary, sheteldikter, sheteldik kompanııalar bar. Keıbir azamattardyń kómegi 1 mıllıon teńgege jetedi. Ekonomıkanyń ártúrli salalarynyń kóptegen uıymdary bir kúndik jalaqylaryn jiberdi - bul memlekettik organdar men kásiporyndar, memlekettik jáne ulttyq kompanııalar, jeke uıymdar men jeke kásipkerler.
«Qurylys, kólik jáne logıstıka sektorlarynyń kompanııalary iri maqsatty salymdar jasady: B&A Contractors SA, Mabco Constructions S.A., Eastcomtrans, Otau-Stroy, KazVagonBuilding. «Qazaqstan Halyq banki», «Dostar» kompanııasy, KBI Energy Group jáne basqalary 950 mıllıon teńge salǵan», delingen «Qazaqstan halqyna» qorynyń baspasóz qyzmeti usynǵan aqparatta.
Osy tusta «Qazaqstan halqyna» qory Memleket basshysynyń sý tasqynynan zardap shekkenderge kómek kórsetý jónindegi bastamasyn qoldaǵan azamattarǵa alǵys bildirdi.