Atyraý oblysy PD ekstremızmge qarsy is-qımyl basqarmasynyń qyzmetkerleri UQKD ATO bólimimen birlesip, oblys mektepteriniń birine oqıtyn 9-synyp oqýshysyn anyqtady, dep habarlaıdy Egemen.kz Polisia.kz saıtyna silteme jasap.
Jasóspirim anonımdi Telegram-arna quryp, onda 21 sáýir kúni Inder aýdanyndaǵy mektepterde terakt jasalatyny týraly habarlama jarııalaǵan. Jazbaǵa ınternetten júktelgen qarýdyń sýreti bekitilgen.
Qazirgi ýaqytta oqýshynyń ekstremızmge qatysty basqa da Telegram-arnalarǵa qatysy bar-joǵy tekserilip jatyr.
QR IIM terrorızm aktisi týraly kórineý jalǵan habarlaý faktisi boıynsha qylmystyq is qozǵalatynyn eske saldy.