Saha (Iаkýtııa) Respýblıkasynyń mádenı kúnderi aıasynda Ulttyq mýzeıde «Iаkýtııa qazynasy» kórmesi ashyldy. Saha halqynyń qoldanbaly ónerin nasıhattap, mádenıetaralyq yntymaqtastyqty nyǵaıtýdy kózdegen is-shara Mádenıet jáne aqparat mınıstrliginiń qoldaýymen ótkizilip otyr.
Kórmeniń saltanatty ashylýyna Qazaqstannyń Mádenıet jáne aqparat vıse-mınıstri Evgenıı Kochetov pen Saha Respýblıkasynyń Mádenıet jáne rýhanı damý mınıstri Afanasıı Noev qatysty.
Ekspozısııa «Saha Respýblıkasynyń kestelengen kartasy», «Eýrazııa halyqtarynyń mádenıetindegi jylqy kýlti», «Iаkýtııanyń qazyna qory» jáne «Iаkýtııanyń ustalyq óneri» atty tórt bólimnen turady. Jalpy sany 130-ǵa jýyq sándik-qoldanbaly óner úlgisi, sonymen qatar zergerlik buıymdar men baǵaly tastar qoıylyp otyr. Odan bólek kórmege kelýshiler Iаkýtııanyń sándik-qoldanbaly óner sheberleriniń eksklıýzıvti avtorlyq jumystaryn tamashalap, asyl tastarmen kómkerilgen sırek materıaldardan jasalǵan dástúrli pyshaqtardyń alýan túrimen tanysa alady.
Saha Respýblıkasynyń kestelengen kartasynda eldiń ekonomıkalyq damýynyń negizgi nysandary, halyqtyń kópultty quramy, dástúrli ómir súrý salty beınelengen. Al sándik-qoldanbaly ónerge arnalǵan bóliginde turmystyq qajettilikter men ań aýlaýǵa arnalǵan dástúrli ıakýt pyshaqtary, mýzykalyq aspaptar, mamont azýy men asyl tastarmen kómkerilgen sırek materıaldardan jasalǵan kádesyı ónimderi jáne sheberlerdiń basqa da eksklıýzıvti, avtorlyq jumystary usynylǵan.
Kórmedegi basty eksponat – «Gaýhar tastardyń jarqyraýy» dep atalatyn kúmis tabaqqa 2 myńnan astam gaýhartastyń shashyrandy kenderi salynǵan kompozısııa.
Sondaı-aq kelýshiler saha halqynyń ulttyq kıim úlgilerinen defıle tamashalap, dástúrli ánshiler óner kórsetti.
«Mádenıetimiz ben salt-dástúrimizdi saqtaý úshin biz tamyrymyzǵa júginemiz. Bul – ulttyq kodymyz, halyqty túsinýdiń kilti. Sondyqtan Qazaqstandaǵy Iаkýtııanyń mádenı kúnderi aıasynda kórmemen qatar, ıakýt fılmderiniń kórsetilimi, Olonho teatrynyń qoıylymdary, «Vırtýozdar» skrıpka ansambliniń konsertteri sııaqty birqatar shara josparlanǵan. Munyń bári bir-birimizdi jaqynyraq tanýǵa, baýyrlas halyqtyń mádenıetin túsinýge múmkindik beredi», dep atap ótti Mádenıet jáne aqparat vıse-mınıstri Evgenıı Kochetov.
Kórme 2 mamyrǵa deıin jalǵasady. Ekspozısııany Ulttyq mýzeıdiń 6-qabatynda ornalasqan Ýaqytsha kórme ótkizý zalynda tamashalaýǵa bolady.
Aıta keteıik, elimizde Saha Respýblıkasynyń mádenı kúnderine arnalǵan is-sharalar Astana men Almaty qalalarynda ótedi.
Atap aıtsaq, Qalıbek Qýanyshbaev atyndaǵy memlekettik ulttyq qazaq mýzykalyq drama teatrynyń Kameralyq zalynda «Iаkýtııa vırtýozdary» skrıpkashylar ansambliniń konserti, «Nýrgýn Bootýr» Olonho operasy, M.Gorkıı atyndaǵy orys drama teatrynyń zalynda «Kyys Debılııe» Olonho spektakli qoıylady.
Almatynyń memlekettik teatr zaldarynda konsertter men spektaklder uıymdastyrylady. Atap aıtsaq, Yqylas atyndaǵy halyq mýzykalyq aspaptar mýzeıinde birqatar mádenı-rýhanı is-shara ótedi. 21 sáýirde Iаkýtııa halyqtarynyń mýzykasy jáne folklory mýzeıi qorynan jasaqtalǵan «Ǵasyrlar úni» jyljymaly kórmesi ashylyp, SR Halyq sheberi, Iаkýtııanyń «Kyl Saha» etnostyq mýzyka ansambliniń solısi Rýslan Gabyshevpen art-kezdesý bolady.
Al 22 sáýirde ıakýt ertegileriniń jelisi boıynsha qysqametrli mýltıplıkasııalyq fılmder, «Nıýrgýn bootýr stremıtelnyı» tolyqmetrli mýltıplıkasııalyq fılmi kórsetiledi. Odan bólek SR eńbek sińirgen ártisteri, «Kyl Saha» etnostyq mýzyka ansambliniń jáne S.Zverev-Kyyl Ýola atyndaǵy SR Ulttyq bı teatry ulttyq aspaptar orkestriniń solısteri Anna jáne Afanasıı Tomskıılermen art-kezdesý, «Kóshpeli mýzeı» derekti fılminiń kórsetilimi, «Kyl Saha» etnotobynyń konserti josparlanyp otyr.