Sınoptıkter 25, 26 jáne 27 sáýirge arnalǵan aýa raıy boljamyn usyndy, dep habarlaıdy Egemen.kz.
Meteorologtardyń málimetinshe, ońtústik sıklonnyń áserinen 25-27 sáýir aralyǵynda elimizdiń ońtústik jartysynda, 25 sáýirde elimizdiń soltústik-batysynda jaýyn-shashyndy aýa raıy bolady. Soltústik-batysta da túnde jaýyn-shashyn (jańbyr, qar) jaýady. Respýblıkanyń ońtústiginde jáne ońtústik-shyǵysynda qatty jańbyr jaýady, naızaǵaı oınaıdy, burshaq jaýýy yqtımal. Qalǵan aýmaqta antısıklon sileminiń áserinen jaýyn-shashynsyz aýa raıy saqtalady.
Respýblıka boıynsha ekpindi jel soǵady, túnde soltústik jáne shyǵys oblystarda tuman túsedi.
«Sýyq front birte-birte elimizdiń ońtústik oblystaryna aýysady, onda aýa temperatýrasy túnde 0-12, kúndiz 10-20, soltústik oblystarda sýyqtyń sharyqtaý shegi kútiledi. 25 sáýirde munda termometrler túnde 0-8 gradýs aıazǵa deıin, kúndiz 5-13 gradýsqa deıin tómendeıdi, sodan keıin soltústikte kúndiz aýa temperatýrasy 10-17 gradýsqa deıin birtindep kóterile bastaıdy», delingen habarlamada.