Almaty oblysynyń polısııa departamenti Kúsh aýylynda joǵalyp ketken úsh jasar qyzdy bireý óltirip ketýi múmkin ekenin habarlady, dep jazady Egemen.kz.
Polısııanyń málimetinshe, kúdiktiler ustaldy.
«Kámeletke tolmaǵan balanyń joǵalyp ketýine qatysty sotqa deıingi tergep-tekserý jumystary júrgizilip jatyr. Kúdiktiler qamaýǵa alyndy. QR Qylmystyq-prosestik kodeksiniń 201-babynyń erejelerine sáıkes ózge málimetter jarııa etýge jatpaıdy», dep habarlady oblystyq Polısııa departamentiniń ókilderi.
Esterińizge sala keteıik, Almaty oblysynyń Kúsh aýylynda úsh jasar Aııa Sofııa iz-túzsiz joǵalyp ketken edi. Búldirshin 17 naýryzda úıinen shyǵyp ketken, keıin ony eshkim kórmegen.