BAÁ-niń bas qalasy Dýbaıda ótip jatqan jeńil atletıkadan 20 jasqa deıingiler arasyndaǵy Azııa chempıonatynda Qazaqstan sportshysy kúmis medal enshiledi, dep habarlaıdy Egemen.kz.
Olympic.kz málimetinshe, otandasymyz Faına Meıirmanova bıiktikke sekirýden 1 metr 76 santımetr kórsetkishpen Azııa chempıonatynyń kúmis júldegeri atandy jáne óziniń jeke rekordyn jańartty.
Eske salaıyq, kúni keshe bastalǵan qurlyq dodasy 27 sáýirge deıin ótedi. Oǵan 30-dan astam eldiń ókilderi jınalǵan. Elimizdiń namysyn 42 sportshy qorǵap jatyr.