Jetisý oblysynyń turǵyny kúıeýiniń dosynyń atynan jasyryn túrde birneshe ret mıllıon teńgeden astam nesıe rásimdegen, dep habarlaıdy Egemen.kz Polisia.kz saıtyna silteme jasap.
Qaratal aýdanynyń turǵyny joldasynyń dosynyń senimine qııanat jasap, smartfony arqyly mıllıon teńgeden astam onlaın nesıe alǵan.
«Ol kisi qoıshy bolyp jumys isteıdi. Smartfondy qalaı qoldaný kerek ekenin túsinbeı, jaqyn dosynyń áıelinen kómek suraǵan. Kelinshek keıbir qosymshalardy ornatý úshin er adamnyń jeke kýáligin suraǵan. Alaıaq onlaın nesıe alý úshin jábirlenýshiniń telefonynan ótinish bere bastaǵan, keıin ony aldap, bank mindettegen beıne tekserýden ótýin suraǵan», dedi Qaratal ROP bastyǵynyń orynbasary Arman Sultanov.
Osylaısha, kelinshek jábirlenýshiniń úıine barǵan saıyn «smartfonyn tekseremin» dep túrli syltaý aıtyp, jańa nesıe alyp otyrǵan. Jábirlenýshi óziniń atynda nesıe bar ekenin, bank qyzmetkerleri tóleý merzimi ótip ketkenin jáne ony qaıtarý kerektigin aıtqansha mán-jaıdan beıhabar bolǵan.
Qaratal aýdandyq soty alaıaqty kináli dep tanyp, kámeletke tolmaǵan tórt balasynyń bolýy, sondaı-aq jábirlenýshige keltirilgen zalaldy tolyq óteýin eskere otyryp, eki jylǵa bas bostandyǵyn shekteý jazasyn taǵaıyndady.
«Qurmetti azamattar, smartfondaryńyzdy jáne jeke qujattaryńyzdy beıtanys adamdarǵa bermeýlerińizdi suraımyz. Mundaı jaǵdaılardyń aldyn alý úshin onlaın nesıe berý qyzmetin óshirińiz, ol úshin uıaly telefonyńyzǵa Egov mobıldi qosymshasyn júktep alyp, izdeý terezesindegi «Qyzmetter» qosymshasyndaǵy «Bas tartý» batyrmasyn basyp, «Bank nesıesin alýdan erikti túrde bas tartý» fýnksııasyn tańdańyz», dep eskertti Arman Sultanov.
Qyrmyzy JUMAǴALIQYZY,
EUÝ stýdenti