Senat Spıkeri Máýlen Áshimbaevtyń tóraǵalyǵymen Palata otyrysy ótti. Otyrys barysynda senatorlar «QR-nyń memlekettik nagradalary týraly» Zańyna ózgerister men tolyqtyrý engizý týraly» zańdy qarap, maquldady. Atalǵan zań Memleket basshysynyń tapsyrmasyn oryndaý aıasynda Parlament depýtattarynyń bastamashy bolýymen ázirlendi, dep habarlaıdy Egemen.kz joǵarǵy Palatanyń baspasóz qyzmetine silteme jasap.
Jańa normalarǵa sáıkes «Aıbyn» ordeniniń túrli dárejesine Saǵadat Nurmaǵambetov, Baýyrjan Momyshuly, Rahymjan Qoshqarbaevtyń esimderin berý qarastyrylǵan.
«Maquldanǵan zań Prezıdentimiz Qasym-Jomart Toqaevtyń tikeleı tapsyrmasy boıynsha ázirlendi. Memleket basshysy «Aıbyn» ordeniniń túrli dárejesine halqymyzdyń dańqty batyrlarynyń esimderin berýdi usynǵan edi. Mundaı sheshim kórnekti tarıhı tulǵalarymyzdy dáripteýge jáne jastardyń áskerı-patrıottyq rýhyn kóterip, olardy otanshyldyqqa tárbıeleýge yqpal eteri anyq», dedi Palata Spıkeri.
Sondaı-aq Senat depýtattary «Qazaqstan Respýblıkasy men О́zbekstan Respýblıkasy arasyndaǵy odaqtastyq qatynastar týraly shartty ratıfıkasııalaý týraly» zańdy qarap, maquldady. Shart negizgi baǵyttar boıynsha yntymaqtastyqty keńeıtýge arnalǵan.
Máýlen Áshimbaev atap ótkendeı, Qazaqstan men О́zbekstannyń odaqtastyq qarym-qatynasy tarıhı baýyrlastyqqa, ózara senimge jáne ortaq qundylyqtarǵa taban tireıdi. Qujattyń erejeleri boıynsha taraptar eki memlekettiń Parlamentteri, saıası partııalary jáne qoǵamdyq uıymdary arasyndaǵy baılanysty nyǵaıtýǵa yqpal etedi.
Budan bólek, Sharttyń 4-babyna sáıkes Qazaqstan men О́zbekstan Memleket basshylary basqaratyn Joǵary memleketaralyq keńes qurady. Ol Keńestiń qyzmetin úılestirý Syrtqy ister mınıstrleriniń keńesine júkteledi.
«О́zbekstan – Qazaqstannyń senimdi odaqtasy ári mańyzdy seriktesi. Eki el basshylarynyń ózara memlekettik saparlary men kelisimderi ekijaqty qarym-qatynastarǵa únemi tyń serpin beredi. Búgin qaralǵan zań – ózara senimge negizdelgen osyndaı dıalogtyń nátıjesi. Bul qujat memleketterimiz arasyndaǵy yqpaldastyq máseleleriniń keń aýqymyn qamtıdy jáne kóptegen saladaǵy strategııalyq yntymaqtastyqty nyǵaıta túsedi. Aldaǵy ýaqytta Shart baýyrlas qazaq-ózbek qarym-qatynasyn sapaly jańa deńgeıge shyǵarýǵa yqpal etedi dep senemiz», dedi Máýlen Áshimbaev.
Sonymen qatar otyrys barysynda «Táýelsiz Memleketter Dostastyǵyna qatysýshy memleketterdiń qoǵamdyq densaýlyq saqtaý salasyndaǵy sanıtarııalyq-epıdemıologııalyq sıpattaǵy tótenshe jaǵdaılardyń aldyn alý jáne olarǵa den qoıý jónindegi yntymaqtastyǵy týraly kelisimdi ratıfıkasııalaý týraly» jáne «Zııatkerlik menshik quqyqtarynyń saýda aspektileri jónindegi kelisimge tolyqtyrý engizý týraly hattamany ratıfıkasııalaý týraly» zańdar qaralyp, maquldandy. Kelisimde TMD elderinde sanıtarııalyq-epıdemıologııalyq sıpattaǵy tótenshe jaǵdaılarmen tıimdi kúresý úshin tıisti sharalar qarastyrylǵan. Al, Hattama muqtaj elderdiń dárilik zattarǵa qoljetimidiligin qamtamasyz etýdi kózdeıdi. Atalǵan qujat Dúnıejúzilik saýda uıymyna múshe elderge patenttelgen dárilik zattardyń avtorlyq quqyq ıesiniń ruqsatynsyz dárilik zattardy ári qaraı eksportqa mindetti lısenzııalar boıynsha óndirýge quqyq beredi. Alaıda, dári-dármek óndirisi densaýlyq saqtaý maqsatymen ǵana júrgizilýi kerek.
Palata otyrysynda senatorlar Arman О́teǵulov, Nurtóre Júsip, Darhan Qydyráli, Talǵat Júnisov ózderiniń depýtattyq saýaldaryn joldady.