Soltústik Qazaqstan oblysynda Chelıabi-Novosıbırsk tas jolynda 48 jastaǵy polıseıdi qaǵyp ketti. Oqıǵaǵa kináli júrgizýshi boı tasalaǵan, dep jazady Egemen.kz.
Jol-kólik oqıǵasynan Ishki ister mınıstrliginiń qyzmetkeri qaıtys bolǵan.
«28 sáýirde respýblıkalyq mańyzy bar Chelıabi-Novosıbırsk tas jolynda 48 jastaǵy polısııa qyzmetkerin kólik qaǵyp ketip, alǵan jaraqatynan oqıǵa ornynda qaza tapty. Qazirgi ýaqytta júrgizýshini anyqtaý maqsatynda jedel-izdestirý sharalary júrgizilip jatyr. Qylmystyq is qozǵaldy», delingen SQO polısııa departamentiniń habarlamasynda.
Sondaı-aq, vedomostvo oqıǵa polıseıdiń qyzmet ýaqytynan tys kezde bolǵanyn málimdedi.