Elbasy Nursultan Nazarbaev «Sharlı Ebdo» basylymy redaksııasyna jasalǵan terrorlyq áreketke baılanysty Fransýz Respýblıkasynyń Prezıdenti Fransýa Ollandqa kóńil aıtý jedelhatyn joldady, dep habarlady Prezıdenttiń baspasóz qyzmeti.
Jedelhatta terrorlyq áreket saldarynan fransýz azamattarynyń qaza tapqany týraly sýyt habardy Memleket basshysy úlken kúızelispen qabyldaǵany jóninde aıtylǵan.
«Búgingi kúni terrorızmniń etek alýy barlyq memleketter úshin ortaq qaýip-qaterge aınalyp otyr. Qazaqstan óz tarapynan halyqaralyq qaýipsizdikke qater týǵyzatyn lańkestik pen ekstremızmniń kez kelgen túrin aıyptaıdy», – delingen jedelhatta.
Nursultan Nazarbaev Qazaqstan halqynyń jáne jeke óziniń atynan oqıǵa qurbandarynyń otbasylary men týǵan-týystaryna, sondaı-aq, búkil Fransııa halqyna shyn nıetpen kóńil aıtty.