Atyraý oblystyq sanıtarııalyq-epıdemıologııalyq baqylaý departamentiniń basshysy laýazymyna Álııa Bekesheva taǵaıyndaldy, dep habarlaıdy Egemen.kz.
Álııa Aıýpqalıqyzy 1970 jyly Atyraý oblysynda dúnıege kelgen. 1995 jyly Qaraǵandy memlekettik medısına ýnıversıtetin bitirgen.
Eńbek jolyn 1995 jyly Atyraý qalalyq sanıtarııalyq-epıdemıologııalyq stansııasynyń dáriger-epıdemıology bolyp bastaǵan. 1995-2013 jyldary Atyraý qalalyq memlekettik sanıtarııalyq-epıdemıologııalyq qadaǵalaý basqarmasynda dáriger-epıdemıolog, sanıtarlyq dáriger, eńbek gıgıenasy, tamaqtaný gıgıenasy bólimderiniń basshysy bolǵan.
2013-2021 jyldary aralyǵynda Atyraý oblysynyń sanıtarııalyq-epıdemıologııalyq baqylaý departamentiniń bas mamany, bólim basshysy laýazymynda jumys istegen. Al 2021 jyldan osy taǵaıyndaýǵa deıin departament basshysynyń orynbasary qyzmetin atqardy.