ATYRAÝ. 9 qańtar. Atyraý oblysynyń qurmetti azamaty ataǵyna ıe bolǵandar qatary zańgerlermen tolyqty. Bul týraly egemen.kz tilshisi habarlady.
Mundaı qurmetti ataqqa buǵan deıin óńirdiń áleýmettik-ekonomıkalyq damýyna aıryqsha úles qosqan belgili tulǵalar ıe bolǵan edi. Oblystyq máslıhattyń ótken jylǵy jeltoqsandaǵy sheshimimen sot salasyn damytýǵa eleýli eńbek sińirgen qos zańger – Irak Elekeev pen Qalıdolla Shaýharovqa Atyraý oblysynyń qurmetti azamaty ataǵy berildi. О́ıtkeni, qos zańger Atyraýda da uzaq jyl qyzmet atqarǵan. Máselen, birneshe jyl oblystyq ádilet basqarmasyn abyroıly basqarǵan Irak Elekeev Parlament Májilisiniń depýtattyǵyna saılanyp, zań shyǵarý isine belsene aralasty. Al buryn oblystyq sotqa tóraǵalyq etken tájirıbeli zańger Qalıdolla Shaýharov Joǵarǵy sottyń sýdıasy retinde ádil sot úkimin shyǵarýǵa laıyqty úlesin qosyp keledi.
Abyroıly qyzmetimen elge tanylǵan zańgerlerge oblys ákimi Baqtyqoja Izmuhambetov qurmetti ataqtyń kýáligi men tósbelgisin tapsyrdy.
Joldasbek Shópeǵul.
Derek, sýret: egemen.kz.