Polısııa qyzmetkeriniń formasyn kıgen er adamnyń kúdikti áreketteri jeli qoldanýshylarynyń narazylyǵyn týdyrdy. Kóp uzamaı tártip saqshylary Talǵar aýdanynyń 31 jastaǵy turǵynyn ustady, dep habarlaıdy Egemen.kz.
Polisia.kz málim etkendeı, janarmaı quıý beketine polısııa formasyn kıip barǵan er adam shyn máninde polısııada jumys istemeıtinin moıyndady. Anyqtalǵandaı, ol qaladaǵy áskerı kıim dúkeninen arnaıy forma satyp alǵan.
«Jalǵan polıseı qoldanystaǵy zańnamaǵa sáıkes jaýapqa tartylady. Atalǵan áreketter óz mindetterin adal atqaratyn ishki ister organdary qyzmetkerleriniń bedeline nuqsan keltiretindikten, olarǵa qatań túrde tosqaýyl qoıylady», delingen habarlamada.