Astanada 21 jastaǵy jigit stýdentterdiń 40-tan astam noýtbýgyn zańsyz jolmen ıemdenip, lombardqa ótkizip jibergen, dep habarlaıdy Egemen.kz.
Anyqtalǵandaı, «ýaqytsha paıdalanamyn» degen jeleýmen stýdentterden noýtbýk alýdy ádet etken kúdikti alǵan noýtbýktardy lombardqa ótkizip otyrǵan. Budan túsken aqshany ınternettegi oıyndarǵa bás tigýge salyp, utylyp qalǵan.
Qymbat tehnıkanyń basym bóligi lombardtardan tárkilengen.
Qalalyq polısııa málimdemesinde: «Alaıaqtyq faktisi boıynsha sotqa deıingi tergeý amaldary júrgizilip jatyr. Jas jigit kinásin moıyndap, qamaýǵa alyndy. Polıseıler onyń qala aýmaǵynda jasalǵan basqa da alaıaqtyq isterge qatysy bar-joǵyn tekserip jatyr», delingen.