Túrkistan oblysynyń Maqtaaral aýdanynda jappaı tóbeles boldy. Oqıǵa kýágerleri muny vıdeoǵa túsirip alǵan, dep habarlaıdy Egemen.kz.
Vıdeoda taıaqpen tóbelesip jatqan er adam beınelengen. Áleýmettik jelilerde kıkiljińge О́zbekstanmen shekarada júk kólikteriniń ótýin baqylaý kezinde bopsalaý sebep bolýy múmkin dep jazyp jatyr.
«Túrkistan oblysynyń polısııasy Maqtaral aýdanyndaǵy aýyldardyń birinde bir top jastyń buzaqylyq áreketiniń jolyn kesti. Qazirgi ýaqytta kúdiktiler qamaýǵa alyndy. Qylmystyq is qozǵaldy. Barlyq mán-jaı anyqtalyp jatyr», dep habarlady oblystyq Polısııa departamentiniń baspasóz qyzmeti.