Atyraýda merzimdi qyzmettegi sarbaz áskerı bólimnen qarý alyp shyqqan. Ol ustalyp, qamaýǵa alyndy, dep habarlaıdy Egemen.kz.
Atyraý oblystyq polısııa departamentiniń baspasóz qyzmetinen málim etkendeı, ustalǵan sarbaz ýaqytsha ustaý ızolıatoryna qamalǵan.
«Batys óńirlik áskerı tergeý basqarmasy áskerı bólimnen qarý alyp shyqqan merzimdi qyzmettegi sarbazǵa qatysty qylmystyq is qozǵady. Kúdikti ustalyp, ýaqytsha ustaý ızolıatoryna qamaldy», dep habarlady departamenttiń baspasóz qyzmeti.
Qazir tergeý júrip jatyr. О́zge aqparat tergeý múddesine sáıkes jarııalaýǵa jatpaıdy.