15 mamyr kúni Qazaqstanda telearnalar men radıolar ýaqytsha óshiriledi. «Qazteleradıo» AQ osyndaı eskertý jasady, dep jazady Egemen.kz.
«Qazteleradıo» AQ teleradıo habarlaryn taratýdyń úzdiksiz ári sapaly bolýyn qamtamasyz etý maqsatynda toqsan saıyn jerseriktik, sıfrlyq jáne analogty efırlik jelilerdiń tehnıkalyq quraldarynda servısterdi jaba otyryp, josparly-profılaktıkalyq jumystar júrgizedi.
«Osyǵan baılanysty, bıyl 15 mamyrda saǵat 03:00 men 17:00 aralyǵynda (Astana ýaqytymen) teleradıo habarlaryn taratýdy óshire otyryp, profılaktıkalyq jumystar júrgiziletinin habarlaımyz. Ýaqytsha qolaısyzdyqtar úshin keshirim suraımyz», delingen «Qazteleradıo» AQ habarlamasynda.