Qazaqstan azamaty Londonda kisi óltirdi degen aıyppen tergelip jatyr, dep habarlaıdy Egemen.kz.
37 jastaǵy Beıbit Baımolda 42 jastaǵy er adamdy pyshaqtap tastaǵan. Oǵan 7 mamyrda Temza sotynda kisi óltirdi degen aıyp taǵylyp, 10 mamyrda qamaýǵa alynǵan.
«Polısııaǵa 6 mamyr keshki saǵat 21:00 kezinde Krenston Gardens, E4 mekenjaıy boıynsha er adamnyń pyshaq jaraqatyn alǵany týraly habar keledi. О́kinishke qaraı, 42 jastaǵy azamat oqıǵa ornynda qansyrap qaza tapty», delingen The standard taratqan habarlamada.
Baımoldamen birge 33 jastaǵy áıel ustalǵan. Ol tergeý bitkenshe kepilmen bosatylǵan.
Aıta keteıik, Qazaqstan azamaty 2023 jyly Ulybrıtanııaǵa maýsymdyq jumys isteýge barǵan.