Bıshimbaevtyń isin qaraǵan sýdıa Aıjan Qulbaeva áli de kúzetpen júrýge májbúr. Bul týraly jýrnalısterge arnalǵan elordalyq sotta ótken brıfıngte málim boldy, dep habarlaıdy Egemen.kz.
Elordalyq sotta ótken brıfıngte BAQ-pen ózara is-qımyl jónindegi sýdıa-úılestirýshi Alma Esimovanyń aıtýynsha, qoqan-loqqylarǵa qatysty tergeý áli de jalǵasyp jatyr.
«Bizdiń aqparatymyz boıynsha, sýdıa Aıjan Qulbaevany qorqytý faktisi boıynsha tergeý jalǵasyp jatyr, ázirge sýdıanyń qandaı da bir sheshim qabyldaǵany týraly aqparat joq», dep túsindirdi Esimova.
Esterińizge sala keteıik, buǵan deıin Astana qalasynyń polısııa departamenti sýdıa Aıjan Qulbaevany qorqytý faktisi boıynsha qylmystyq is qozǵaǵan bolatyn.
Sondaı-aq Joǵarǵy Sot ınternet-keńistigine monıtorıng júrgizý barysynda sýdıa Aıjan Qulbaevaǵa qatysty qylmystyq quqyq buzýshylyq belgileri bar kóptegen teris jarııalanymdar anyqtalǵanyn atap ótti.