Qytaı ǵalymdary robottardyń júris-turysy men syrt kelbetin barynsha adamǵa uqsatyp jatyr.
Jahandy dúrliktirgen jasandy ıntellektiniń kerneýi kúnnen-kúnge kúsheıip keledi. О́z betinshe oılanatyn robottar kóbeıip, barlyq salada basymdyq alǵanyna kýá bolyp otyrmyz. Qytaıdyń Dalıan qalasyndaǵy «Bolashaq pen ǵylym» mýzeıinde EX Robot gýmanoıdtardyń prototıpteri tanystyryldy. Bul qultemirlerdiń terisi arnaıy medısınalyq sılıkonnan jasalyp, denesiniń usaq-túıegine deıin adamǵa uqsas jasalǵan. Qyzyq ári qorqynyshty...
Kitap oqyǵan ozar
«Microsoft» kompanııasynyń negizin qalaýshy Bıll Geıts týraly talaı kitap jazyldy. О́zi de bala kúninen kitapty jata-jastanyp oqyǵan. Al oǵan ata-anasy yqpal etken.
Kompıýterlerge degen qumarlyǵyn baıqaǵan Bıldiń ata-anasy ony bir jyl boıy elektrondy mashınaǵa jolatpaǵan. Sol ýaqytta ol uly adamdardyń ómirbaıandarymen tanysyp, biraz kitapty kemiripti. Bala kúninen boıyna sińgen osy daǵdy keıin ony jetistikke jetkizdi. Bıll Geıts óziniń suhbatynda qazir bir jasar nemeresine jasandy ıntellekt jáne kvanttyq kompıýterler týraly kitaptar oqıtynyn aıtqan. Sondaı-aq mıllıarder jyl saıyn ózine unaǵan kitaptar tizimin kópshilikke usynyp otyrady.
Zııany joq zymyran
Qytaı ǵarysh orbıtasyna ekologııalyq taza zymyran tasyǵyshty shyǵardy.
Jańa turpatty «CZ-6C» zymyrany sátti ushyryldy. Zymyran Qytaıdyń soltústigindegi Shansı provınsııasyndaǵy Taııýan ǵarysh aılaǵynan attandy.
Keme belgilengen nysanǵa «Haiwang-01» jáne «Zhixing-1C» jer serikterin, keń jolaqty optıka jáne beınebaqylaý júrgizetin qurylǵylardy jetkizdi. «CZ-6C» – suıyq otynmen jumys isteıtin eki satyly zymyran. Ol Shanhaı ǵarysh tehnologııalary akademııasynda ázirlengen. Zymyrannyń uzyndyǵy 43 metr. Keme jer mańaıyndaǵy orbıtaǵa 4,5 tonna júkti jetkize alady.