Almaty oblysynyń prokýratýrasy túzetý mekemelerine tekserý júrgizdi. Nátıjesinde sottalýshylar eleýli zań buzýshylyq áreketterin jasaǵany anyqtaldy, dep jazady Egemen.kz.
Sottalǵandar, uıaly telefondardy paıdalaný arqyly onlaın satyp-alý, kredıtterdi rásimdeý jáne býkmekerlik keńseler men onlaın-kazıno arqyly qumar oıyndarǵa qatysqan. Sottalǵandar osyndaı zań buzýshylyqtar úshin 3 mlrd teńgeden asatyn qarjysyn aınalymǵa qosqan.
№10-shy mekemede jazasyn óteýshiler mobıldi qurylǵylardy qoldana otyryp, ruqsat etilgen jáne tyıym salynǵan zattardy mekeme ishinde satqan.
Atalǵan derek boıynsha Almaty oblysynyń prokýratýrasy QK-niń 361-baby 2-1-bóligi boıynsha sotqa deıingi tergep-tekserý júrgizgen.
Ile aýdandyq sotynyń úkimimen osy mekemeniń úsh qyzmetkerine túrli jazalaý sharalary qabyldandy.
Budan basqa, oblys prokýratýrasy №12 jáne №57 mekemelerdiń qyzmetkerlerine qatysty sotqa deıingi tergep-tekserýdi bastady. №57 mekeme bastyǵyna qatysty qamaýda ustaý túrindegi bultartpaý sharasy qoldanyldy.
Prokýratýra tergeý amaldary jalǵasyp jatqanyn málimdedi.