14 mamyr kúni tańerteń Astana qalasyndaǵy shaǵyn market satýshysyn qorqytyp, energetıkalyq sýsyndardy urlap ketken turǵyn qolǵa tústi, dep jazady Egemen.kz Polisia.kz-ke silteme jasap.
Zańsyz áreket jasaǵan turǵyn buǵan deıin de urlaý faktisi boıynsha isti bolǵany anyqtaldy.
Qylmysker ózin toqtatýǵa áreket jasaǵan kúzetshini pyshaqpen qorqytyp, izin jasyrǵan.
«Saryarqa aýdandyq polısııa qyzmetkerleri jedel kúdiktiniń izine túsip, buryn urlyq jasaǵany úshin sottalǵan 27 jastaǵy jigitti ustady. Tonaý faktisi boıynsha qylmystyq is qozǵaldy. Qaskúnem Astana qalasy PD ýaqytsha ustaý ızolıatoryna qamaldy», delingen IIM habarlamasynda.
Qazir onyń Astanada osyǵan uqsas basqa da qylmystarǵa qatysy bar-joǵy anyqtalyp jatyr.