Meteorologtar ońtústik sıklon jáne onymen baılanysty atmosferalyq frontaldy bólikterdiń el óńirleriniń kóp bóliginde óz áserin saqtaıtynyn naqtylady.
«Naızaǵaı oınap, jańbyr jaýady, ońtústik-shyǵysta, shyǵysta qatty jańbyr jaýyp, burshaq túsedi, jel soǵady. Tek elimizdiń soltústiginde ǵana jaýyn-shashynsyz aýa raıy kútiledi», dep habarlady vedomstvodan.
Sonymen qatar respýblıkamyz boıynsha jeldiń ekpin alýy syndy ortaq tabıǵı qubylys tán, túnde jáne tańerteń soltústik-batysta, elimizdiń ortalyǵynda tuman bolady.
«Jetisý oblysynda Alakól aýdany aýmaǵynda sekýndyna 30 metr jáne odan da joǵary jyldamdyqpen jel soǵady dep kútiledi», dedi sınoptıkter.Sondaı-aq túnde Pavlodar oblysynyń soltústiginde, Qostanaı, Aqmola, Soltústik Qazaqstan oblystarynyń soltústiginde, shyǵysynda synap baǵany tómendep, 2-3 gradýs sýyqty kórsetedi dep boljanady.
Tótenshe órt qaýpi Túrkistan oblysynyń shóleıtti aýdandarynda jáne Abaı oblysynyń Úrjar aýdanynda saqtalady.