Shymkentte №44 jalpy orta mekteptiń basshysy men onyń orynbasaryna jáne býhgalterge sot úkimi shyqty, dep habarlaıdy Egemen.kz.
Shymkenttiń qylmystyq ister jónindegi mamandandyrylǵan aýdanaralyq sotynda ótken sot otyrysynda bilim mekemesiniń laýazymdy qyzmetkerlerine pedagogterdiń eńbegine aqy tóleý qoryna bólingen 48 mıllıon teńge somasynda bıýdjet qarajatyn jymqyrdy degen aıyp taǵyldy.
Qalalyq antıkor habarlaýynsha, sot prosesi sybaılas jemqorlyq quqyq buzýshylyqtarynyń aldyn alý maqsatynda qalalyq mektep dırektorlary men býhgalterleriniń qatysýymen ótken. Onyń 50-i sot otyrysyna onlaın, qalǵan 650-den astamy offlaın qatysqan.
Sot úkimimen belgilengen normatıvten tys jalaqyny zańsyz aýdarǵany, sondaı-aq "ólip qalǵan adamdarǵa" júıeli tólemder úshin dırektor orynbasary men býhgalterge 7 jáne 8 jyl bas bostandyǵynan aıyrý jazasy taǵaıyndaldy. Bilim mekemesiniń dırektoryna jumysyna salǵyrt qaraǵany úshin 6,9 mıllıon teńge aıyppul salyndy.
Úkim zańdy kúshine engen joq.