Ulttyq kınony qoldaý ortalyǵy alǵash ret 77-halyqaralyq Kann kınofestıvali aıasynda «Marche Du Film» kınonaryǵyna qatysyp jatyr.
Qazaqstan delegasııasy qatysýshylarǵa «Kazakhcinema» stendin usyndy. Stendte otandyq kınoóndiris, Ulttyq kınony qoldaý ortalyǵynyń qyzmeti, sondaı-aq bolashaq jobalar týraly málimetter kórsetilgen.
«Kazakhcinema» sheteldik fılmder óndirisin sýbsıdııalaý júıesin (rıbeıt) tanymal etýge nazar aýdarady. Onyń quqyqtyq negizi Qazaqstan Respýblıkasynyń «Kınematografııa týraly» zańynyń qabyldanýymen qamtamasyz etilgen.
Bizdiń «Marche Du Film» naryǵyna qatysýdaǵy negizgi maqsatymyz – birlesken kınoóndiristi damyta otyryp, she-teldik seriktesterdi tartý, sondaı-aq otandyq fılmderdiń tanymaldylyǵyn arttyrý.
Aıta ketý kerek, elimiz Halyqaralyq kıno naryǵyna úzdiksiz qatysyp keledi. «Marche Du Film» 1959 jyly qurylǵan, jyl saıyn Kann kınofestıvalimen qatar ótedi.
Atalǵan aýqymdy mádenı is-shara – kınoındýstrııa álemindegi eń mańyzdy oqıǵalardyń biri. Kınonaryq 23 mamyrǵa deıin jalǵasady.