Ulttyq statıstıka bıýrosy Qazaqstan azamattarynda jalpy sany - 5 408 066 kólik quraly bar ekenin málim qyldy. Onyń ishinde 82,1% benzın, 7,1% dızel, 0,2% gazdy tutynady, dep jazady Egemen.kz.
2024 jylǵy naýryzda esepke 142 myń birlik avtokólik qoıylǵan. Kórsetkish ótken jyldyń sáıkes kezeńimen salystyrǵanda 12,6% kem bolyp shyqty.Naýryz aıynda tirkelgen kólikterdiń ishinde shyqqan jyly 20 jyldan asatyn avtomobılder úlesi kóp – 35,2%, 3 jyldan aspaıtyn merzimdegi jańa avtomobılderdiń úlesi - 7,3% qurady. «Qazaqstanda 100 adamǵa 22,6 jeńil avtokólikten keledi, eń joǵary kórsetkish ShQO-da – 100 adamǵa 39,1 avtomobıl, eń azy Jetisý oblysynda – 100 adamǵa shaqqanda 6,8 kólikten», delingen Ulttyq statıstıka bıýrosynyń habarlamasynda.2024 jylǵy 1 sáýirdegi jaǵdaı boıynsha Qazaqstanda tirkelgen avtokólikterdiń sany 5 408,1 myń ekeni anyqtaldy.