Qostanaıdan Almatyǵa baǵyt alǵan FlyArystan áýekompanııasy ushaǵynda er adam ózin nashar sezine bastaǵan. Osyǵan baılanysty ushaqtyń Astana áýejaıyna shuǵyl qonýyna týra kelgen, dep habarlaıdy Egemen.kz.
Áýekompanııanyń habarlamasynda: «Komandırdiń sheshimi boıynsha ushaq jolaýshyǵa medısınalyq kómek kórsetý úshin Astana qalasy áýejaıyna shuǵyl qondy. Stıýardessalar áýejaıǵa kelgenge deıin júrek-ókpe reanımasııasyn jalǵastyrdy. О́kinishke qaraı, Astana áýejaıy dárigeri jolaýshynyń qaıtys bolǵanyn aıtty. Áýekompanııa jolaýshynyń týystary men jaqyndaryna shyn júrekten kóńil aıtady», delingen.