Maqsat – paralımpıadashylardy qoldaý

Elordada ótken «Qoz­­ǵa­lystaǵy álem. Olım­pıada, Paralım­pıa­da jáne Dúnıejúzilik kósh­peliler oıyndary – bir­likte» atty buqaralyq is-sharaǵa Olımpıada chempıondary, Para­lımpıada oıyndarynyń júl­­degerleri, álem chempıon­dary Serik Sápıev, Svet­lana Po­dobedova, Raýshan Qoı­shy­bae­va syndy sańlaqtar sporttyq is-sharaǵa qaty­sýshy­larǵa sáttilik tiledi.

Ulttyq Paralımpıada ko­mı­tetiniń bas hatshysy Oljas Aqpambetov uly alamanǵa lısenzııa ıelenip, jattyǵýdy údet­ken sportshylarǵa jeńis tilep, sańlaqtarymyzdy qol­daýǵa úndedi.

«Fransııanyń Parıj qa­lasynda ótetin Paralımpıada oıyndaryna qatysýshylar sporttyń 9 túrinen dodaǵa túsý josparlanyp otyr. Ázirge bizdiń sportshylarymyzda 12 lısenzııa bar, alda áli de joldama taratylatyn týrnırler bolady. Biz para sportshylarǵa sáttilik tilep, qashanda jankúıerlik tanytamyz. Osyndaı ıgi­likti is-sharalar ótkizý paralım­pıa­­dalyq qozǵalystyń damýy men ınklıýzıvti qoǵamnyń ny­ǵaıýyna áserin tıgizedi», dedi O.Aqpambetov.

Paýerlıftıngten Rıo Paralımpıadasynyń kúmis júldegeri, álem kýboginiń je­ńimpazy Raýshan Qoıshybaeva elimizdiń iri qalalarynda pa­ra sportshylardyń alań­syz jattyǵatyn ortalyq­ta­ry salynsa, álemdik do­­da­­lardaǵy deńgeıimiz budan da bıikteı túsetinin jetkizdi. «As­ta­na qalasynda parasporttan da­ıyndyq júr­gizetin olım­pıa­­dalyq keshen bar. Sondaı sporttyq ortalyq Al­matyda Ala­­taýdyń bókterinen boı kóterse, qandaı ǵanıbet! Bar­lyq qalada salynbasa da iri me­ga­polıste bolsa, sporttyq jetistigimizdiń artýyna orasan septigi tıer edi. Men paýerlıftıng sportyna 45 jasymda qatystym, 50-ge tolǵanda Rıo Paralımpıadasynyń kúmis me­d­alin oljaladym. Demek múm­­kindik jas talǵamaıdy, tek tynbaı ter tógip jattyǵý qajet. Parıj paralımpıadasyna lısenzııa ıelengen sportshylarymyz mereıimizdi asyratynyna senimdimin», dedi R.Qoıshybaeva.

XVII jazǵy Parıj-2024 Paralımpıada oıyndaryna eli­mizdiń sportshylary para je­ńil atletıka, parapaýerlıftıng, parataekvondo, paraústel tennısi, parajúzý, paradzıýdo, parakanoe, otyryp oınaıtyn voleıbol jáne paraoq atýdan qatysýdy mejelep otyr.