"Qazgıdromet" RMK elimiz boıynsha 20 mamyrǵa arnalǵan aýa raıynyń jalpy boljamyn jarııalady, dep habarlaıdy Egemen.kz.
Sınoptıkterdiń boljaýynsha, elimizdiń basym bóliginde naızaǵaı oınap, kún raıy buzylady.
- Ońtústik sıklon jáne onymen baılanysty jyljyǵan atmosferalyq frontaldy bólikterge baılanysty QR aýmaǵynyń basym bóligine naızaǵaı oınap, jańbyr jaýady, elimizdiń soltústik-batysynda, soltústiginde, ońtústiginde, ońtústik-shyǵysynda qatty jańbyr jaýady, burshaq túsedi, qatty jel turady dep kútiledi. Respýblıkamyz boıynsha jeldiń kúsh alý qubylysy tán, eldiń ońtústiginde shańdy daýyl turyp, soltústik-batys, soltústik óńirde tuman bolady, - dep jazylǵan "Qazgıdromet" RMK habarlamasynda.
Qaraǵandy oblysynyń ońtústiginde, ortalyǵynda, Atyraý oblysynyń soltústik-batysynda, shyǵysynda, Qyzylordanyń ortalyǵynda, Batys Qazaqstan oblysynyń batysynda, Shyǵys Qazaqstan oblysynyń ońtústik-shyǵysynda, Túrkistan oblysynyń shóleıtti aýdandarynda órt qaýpi joǵary, Shyǵys Qazaqstan oblysynyń soltústik-batysynda, Abaı oblysynyń ortalyǵynda órt qaýpi joǵary.
Abaı oblysynyń ońtústiginde tótenshe órt qaýpi saqtalady.