Atyraý oblysynyń Tótenshe jaǵdaılar jónindegi jedel shtaby oblystaǵy sý deńgeıi týraly jedel aqparat usyndy, dep habarlaıdy Egemen.kz.
20 mamyr, saǵat 08:00-degi jaǵdaı boıynsha Atyraý oblysyndaǵy sý deńgeıi
Jaıyq - Inderbor 1016 sm, -5 sm, shekti deńgeı - 845 sm. Jaıyq - Mahambet 1015 sm, + 4 sm, shekti deńgeı 850 sm. Jaıyq - Atyraý 573 sm, +3 sm, shekti deńgeı - 550 sm. Jaıyq - Jańatalap 416 sm, +4 sm, shekti deńgeı 500 sm. Jaıyq - Erkinqala 374 sm, +4 sm, shekti deńgeı 450 sm.Dál qazir Jaıyq ózeninen ór sýynyń kóptep kelýi Mahambet aýylyna qaýip tóndirip jatyr. Soǵan baılanysty Mahambet-Sarytoǵaı aýylyn jalǵap jatqan tas jol ýaqytsha jabylyp, sý arnasynyń baǵytyn burý úshin jyryldy.
Mahambet aýdany ákimdigi jol tósemin qalpyna keltirý úshin ınertti materıaldar daıyndady, biraq sýdyń kóp kólemde kelýi men aǵystyń qattylyǵynan bul jumystardy júrgizý múmkin bolmaı tur.
«Sý deńgeıi tómendegennen keıin joldy qaıta qalpyna keltirý jumystary júrgiziledi. Tasqynmen kúreste ýaqytsha qolaısyzdyqtar týyndaıdy, biraq atalǵan jumystar turǵyndardyń qaýipsizdigi úshin óte mańyzdy. Sarytoǵaı aýylynan Mahambet aýylyna qatynaýshylar «Seıtek» sháıhanasy janyndaǵy aınalma jolmen ótedi. Osy rette turǵyndardan túsinistik tanytýdy suraımyz», delingen jedel shtab málimetinde.