Pavlodar oblysy boıynsha Qylmystyq atqarý júıesi departamenti sottalýshy Meıirjan Tórebaevtyń nege úıine shyǵarylǵanyn túsindirdi, dep habarlaıdy Egemen.kz.
Bir kún buryn áleýmettik jelide qarjy pıramıdasyn qurǵany úshin bes jylǵa sottalǵan Meıirjan Tórebaevtyń áıeli Dana Eseeva kúıeýi men balalarynyń úıdegi sýretin jarııalady.
Onyń aıtýynsha, Meıirjan Tórebaev zańǵa sáıkes qysqa merzimdi demalysqa shyǵarylǵan.
Pavlodar oblysy boıynsha QAJD baspasóz qyzmeti málimetinshe, Almaty aýdandyq sotynyń úkimimen bes jylǵa sottalǵan Meıirjan Tórebaev jazasyn №44 mekemede ótep jatyr, ol "Eńbek-Pavlodar" fılıalynda "Eńbek" ShJQ RMK-da jumysshy bolyp ornalastyrylǵan.
- Qazaqstan Respýblıkasy Qylmystyq-atqarý kodeksiniń 113 baby negizinde 2024 jyly 17 mamyrda Tórebaev Meıirjan Myltyqbaıulyna mekemeden tys jerlerge shyǵýǵa, atap aıtqanda, 2024 jyly 17 mamyrdan bastap 2024 jyly 27 mamyrǵa deıin Almatyda jol ýaqytyn qosa eseptegende, 11 kúntizbelik kúnge anasynyń aýrýyna baılanysty qysqa merzimdi demalys berildi, - delingen habarlamada.
Posmotret etý pýblıkasııý v Instagram