ASTANA. 14 qańtar. Nıý-Iorktyń 80 jastaǵy turǵyny Garold Daımond amerıkalyq Mega Millions lotoreıasynyń 326 mln. dollar kólemindegi djekpotyn utyp aldy. Bul týraly lenta.ru habarlady.
G.Daımond kezinde bastaýysh mektepte muǵalim bolyp qyzmet etken. Ol jubaıy ekeýiniń utystaryna sene almaı lotoreıa bıletiniń nómirlerin qaıta-qaıta teksere bergenderin aıtady. Zeınetker sondaı-aq bıletti lotoreıa bolardan bir kún buryn kezdeısoq satyp alyp, ony umytyp ta ketkenin jetkizdi. «Erteńine men golf oınaýǵa bardym. Sol jerdegi adamdardyń djekpot shyqqan bılet 302-tas jolynda Valero aýdanynda satylypty degen áńgimelerin qulaǵym shaldy. Sonda ózimniń de bıletti sol jerden alǵanym esime tústi», – deıdi djekpot ıegeri.
G.Daımond utqan aqshasyna jubaıymen birge Gavaıı araldaryna baryp, otaý tikkenderine 55 jyl tolǵanyn toılap qaıtýdy josparlap otyr.
Aıdar О́risbaev.
Derek: lenta.ru.
Sýret: megamillions.com.