ASTANA. 14 qańtar. Italııa prezıdenti Djordjo Napolıtano sársenbi kúni otstavkaǵa ketý týraly ótinish bildirdi. Bul týraly TASS habarlady.
Otstavkaǵa ketý týraly hattyń úsh nusqasy mınıstrler keńesi men ulttyq parlamenttiń eki palatasyna jiberildi.
89 jastaǵy memleket basshysy ekinshi 7 jyldyq merzimge 2013 jyldyń sáýirinde saılanǵan bolatyn. Alaıda, ol bastapqydan-aq merziminen buryn qyzmetinen ketetinin jasyrmaǵan edi. D.Napolıtano qyzmetiniń aıaqtalýyn Eýroodaqtaǵy Italııanyń jarty jyldyq ókildiginiń aıaqtalýymen baılanystyrdy.
Konstıtýsııaǵa sáıkes, prezıdenttik mindet ýaqytsha senat tóraǵasy Petro Grassoǵa ótedi.
BAQ ókilderi prezıdenttikke úmitkerler retinde Rımniń burynǵy meri Valtera Veltronı, Týrın meri, burynǵy ádilet mınıstri Pero Fassıno, Konstıtýsııalyq sottyń sýdıasy Serdjo Mattarella, Syrtqy ister mınıstri Paolo Djentılonı jáne senator Anna Fınokkıarony atap otyr.
Aıdar О́risbaev.
Derek: itar-tass.com.
Sýret: giomalettisimo.com.