Kolleksııany bireý zerikkennen, bireý erikkennen jınaýy múmkin. Keıbiri Gınness rekordtar kitabyna enýdi maqsat tutyp, úıin tutas mýzeıge aınaldyrady. Al belgııalyq turǵyn Selın Korenttiń kolleksııaǵa kelgende armany bólek, talǵamy basqa.
1978 jyly Selınge joldasy Italııadan panda jumsaq oıynshyǵyn alyp keledi. Osy sátten bastap ol panda dese ishken asyn jerge qoıatyn deńgeıge jetedi. Sodan súıkimdi janýarǵa qatysty dúnıeniń bárin jınaıdy. Onyń úıindegi ydys ta, kıim de, sýret te bári-bári soǵan qatysty. Aqyr aıaǵynda tek jumsaq oıynshyqtyń ózi 2 200 danaǵa jetken. Bul hobbıi mánsiz bolmas úshin S. Korent osy oıynshyqtyń barlyǵyn naýqas balalarǵa taratyp bermek.
Útikter úıi sekildi
Shyǵys Slovakııa turǵyny Iаnosh Nagı 40 jyl úzdiksiz útik jınaýmen aınalysqan.
Ol 20 jasynda alǵashqy útigin jer qazyp jatqanda taýyp alady. Sodan bastap útik bitkenniń bárine úıir bolyp, úıine ákelip, úıe beredi. Jádigerdiń tarıhy neǵurlym tereńde bolsa, onyń quny da soǵurlym qymbattaı túsetini anyq. Osyny uqqan N.Iаnosh HIH ǵasyrda jasalǵan útikterdi kóbirek toptastyrǵan. Sonymen qatar ol kolleksııasyn Reseı, Germanııa, Fransııa, Italııa, Belgııa, AQSh, basqa da elderden qurap, jalpy sanyn 150-ge jetkizgen.
Álde de az...
Dık Falenskı – golf oıynynyń jankúıeri. Ol álemniń túkpir-túkpirinen ákelingen 36 000 golf sharyn toptastyrǵan.
Bul kórsetkishti kóp dep oılamańyz. Onyń negizgi maqsaty – 50 000 danaǵa jetkizý. О́zi AQSh-tyń Pensılvanııa shtatynda turady. Kolleksııasyn 50 jyl boıy jınap keledi eken. Falenskıdiń tiziminde Bıll Klınton, basketbolshy Maıkl Djordan oınaǵan sharlar bar.