Búgin ótken Májilistiń jalpy otyrysynda «Neke (erli-zaıyptylyq) jáne otbasy týraly» Kodekske ózgerister men tolyqtyrýlar engiziletini málim boldy, dep jazady Egemen.kz.
Onyń ishinde jańa týǵan náresteni tastap ketkeni týraly habarlamaǵany úshin medısınalyq uıymdar men balalar úıiniń qyzmetkerlerin ákimshilik jazaǵa tartý máselesi de bar.
Endi jetim balalar men ata-anasynyń qamqorlyǵynsyz qalǵan balalarǵa arnalǵan uıymdar olardy qabyldaý faktileri týraly qorǵanshylyq nemese qamqorshylyq organdaryna jáne prokýratýraǵa habarlaýǵa mindetti.«Ákimshilik quqyqbuzýshylyq týraly kodekste jańa týǵan náresteni tastap ketý faktisi týraly habarlamaǵan medısınalyq uıymdar men jetim jáne ata-anasynyń qamqorlyǵynsyz qalǵan balalarǵa arnalǵan uıymdardyń laýazymdy tulǵalaryna jaýapkershilik qarastyrylady. Bul rette balanyń quqyqtaryn qorǵaý salasyndaǵy ýákiletti organnyń mundaı isterdi qaraý quzyreti aıqyndalady», delingen Májilistiń baspasóz qyzmeti taratqan habarlamada.