Túrkistan oblysynda «Taza Qazaqstan» ekoaksııasy aıasynda 6 sáýir men 11 mamyr aralyǵynda jalpyulttyq kóshe tazalaý sharalary ótti, dep habarlaıdy Egemen.kz.
«Tazaólke», «Kıeli meken», «Jasyl aımaq», «О́negeli urpaq», «Móldir bulaq» aptalyqtarynda 1408 aýqymdy is-shara ótkizilip, oǵan 67 myńnan astam turǵyn qatysty.
Sondaı-aq oblys boıynsha 150 myń túp aǵash otyrǵyzylyp, 175 myńǵa jýyq aǵash ákteldi. Sonymen qatar 40 024 sharshy metr jaıaý júrginshiler joly tazartylyp, 346 saıabaq pen skver retke keltirildi. Qalanyń barlyq aýdandarynda 302 myńnan astam jeke turǵyn úıler men 1767 áleýmettik nysandardyń aýlalary tazartylyp, sý men ózenderdi tazartý jumystary júrgizildi.
Búgin ekoaksııa Qazyǵurt aýdany, Saraphana aýyldyq okrýginde ornalasqan «Máńgilik El» saıabaǵynda jalǵasty. Aýdan ákimdiginiń uıymdastyrýymen ótken sharaǵa memlekettik jáne qoǵamdyq qyzmetkerler, aýdannyń belsendi jastary, eriktiler men aýyl turǵyndary qatysyp, arnaıy tehnıkalar jumyldyryldy.
Tazalyq naýqanynda qatysýshylar 10 ga saıabaq aýmaǵyn qoqystan tazartyp, shóp shabý jáne aǵash kesý jumystaryn júrgizdi. Aýyl aqsaqaldary Memleket basshysynyń bastamasymen atqarylyp jatqan barlyq tazalyq jumystaryna oń baǵasyn berip, aýyl turǵyndaryna alǵystaryn bildirdi.
Qyrmyzy JUMAǴALIQYZY,
EUÝ stýdenti