ATYRAÝ. 14 qańtar. Atyraý qalasynda jolaýshylar tasymaldaıtyn avtobýstyń biri eki adamdy basyp ketti. Eki jaıaý júrginshi oqıǵa ornynda qaıtys boldy. Bul týraly egemen.kz tilshisi habarlady.
Oblystyq ishki ister departamenti baspasóz qyzmetiniń jetekshisi Gúlnazıra Muhtarova habarlaǵandaı, qaıǵyly oqıǵa búgin tańerteńgi saǵat 08.15-te bolǵan. Naqtylaı aıtqanda, №12 baǵytta jolaýshylar tasymaldaıtyn avtobýs júrgizýshisi «Tamasha» oıyn-saýyq ortalyǵy mańynda jaıaý júrginshi jolynda eki áıeldi basyp ketken. Aýyr jaraqat saldarynan oqıǵa ornynda kóz jumǵan eki áıeldiń biri 1953 jyly, ekinshisi 1954 jyly týǵan. Qazir avtobýs júrgizýshisine qatysty Qylmystyq kodekstiń jańa redaksııasyndaǵy 345-baptyń 4-bólimimen qylmystyq is qozǵaldy. Júrgizýshi qamaýǵa alyndy.
Joldasbek Shópeǵul.
Derek: Atyraý oblystyq ishki ister departamenti.
Sýret: Rahym Qoılybaev.