2014 jylǵy 28 shilde, Astana qalasy
Sport mektepterine jáne sport mektepteriniń bólimshelerine «mamandandyrylǵan» mártebelerin berý qaǵıdalaryn bekitý týraly
Qazaqstan Respýblıkasynyń «Dene shynyqtyrý jáne sport týraly» 2014 jylǵy 3 shildedegi Zańynyń 7-babynyń 43) tarmaqshasyna sáıkes buıyramyn:
1. Qosa berilip otyrǵan Sport mektepterine jáne sport mektepteriniń bólimshelerine «mamandandyrylǵan» mártebelerin berý qaǵıdalary bekitilsin.
2. Joǵary jetistikter sporty jáne sport rezervi departamenti (S.M. Jarasbaev) zańnamamen bekitilgen tártipte:
1) Qazaqstan Respýblıkasy Ádilet mınıstrligine osy buıryqty memlekettik tirkeýge usynsyn;
2) Qazaqstan Respýblıkasy Ádilet mınıstrliginde memlekettik tirkeýden ótkennen keıin osy buıryqtyń buqaralyq aqparat quraldarynda jáne «Ádilet» aqparattyq-quqyqtyq júıesinde resmı jarııalaýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Sport jáne dene shynyqtyrý isteri agenttigi tóraǵasynyń orynbasary E.B. Qanaǵatovqa júktelsin.
4. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Sport jáne dene shynyqtyrý isteri
agenttiginiń tóraǵasy T.ESENTAEV.
Qazaqstan Respýblıkasy Sport jáne dene shynyqtyrý isteri agenttigi Tóraǵasynyń
2014 jylǵy 28 shildedegi №293 buıryǵymen bekitilgen
Sport mektepterine jáne sport mektepteriniń bólimshelerine «mamandandyrylǵan» mártebelerin berý qaǵıdalary
1. Jalpy erejeler
1. Osy Sport mektepterine jáne sport mektepteriniń bólimshelerine «mamandandyrylǵan» mártebelerin berý qaǵıdalary (budan ári – Qaǵıda) mártebeler berý tártibin anyqtaıdy.
2. Sport mektepterine jáne sport mektepteriniń bólimshelerine «mamandandyrylǵan» mártebeleri atalǵan sporttyq mektepterdiń jáne sport túrlerinen bólimshelerdiń qyzmetkerlerin materıaldyq yntalandyrý, sonymen qatar olardyń joǵary dárejeli sortshylardy daıarlaýǵa jáne Qazaqstan Respýblıkasy qurama komandalarynyń rezervin daıyndaýǵa múddesin arttyrý maqsatynda beriledi.
3. Dene shynyqtyrý jáne sport salasyndaǵy ýákiletti organ (budan ári – ýákiletti organ) sport mektepterine jáne sport mektepteriniń bólimshelerine «mamandandyrylǵan» mártebelerin berý týraly sheshim qabyldaıtyn organ bolyp tabylady.
4. Osy Qaǵıdada mynadaı uǵym qoldanylady:
1) sporttyq jetildirý toptary – mynadaı ataqtar men razrıadtardy oryndaǵan sportshylar toptary:
2) sporttyń oıyn túrlerinen (fýtbol, shaǵyn fýtbol, jaǵajaı fýtboly, voleıbol, jaǵajaı voleıboly, basketbol, qol doby, sý doby, shaıbaly hokkeı, dopty hokkeı, kógaldaǵy hokkeı), kókpardan, konkı tebý sportynan, jeńil atletıkadan – 1-sporttyq razrıad;
3) sporttyń basqa túrlerinen – «Qazaqstan Respýblıkasynyń sport sheberine úmitker».
2. Mártebelerdi berý tártibi
5. Sport mektepterine «mamandandyrylǵan» mártebesin berý úshin mynadaı sharttar saqtalady:
1) óz menshiginde nemese jalǵa alynǵan sporttyq obektiniń (úı-jaıdyń) bolýy;
2) sport mektepteriniń barlyǵyndaǵy sport túrinen bólimshelerde keminde 4 adamnan turatyn jattyqtyrýshy-oqytýshy quramynyń bolýy;
3) «Qazaqstan Respýblıkasynyń sport sheberi», «Qazaqstan Respýblıkasynyń halyqaralyq dárejedegi sport sheberi» ataǵy bar sportshylardyń, respýblıkalyq jáne halyqaralyq jarystardyń chempıondary men júldegerleriniń bolýy;
4) keminde 2/3 bóliginde sport túrinen mamandandyrylǵan bólimshelerdiń bolýy.
6. Sport mektepteriniń sport túrleri boıynsha bólimshelerine «mamandandyrylǵan» mártebesin berý úshin myna sharttar saqtalady:
1) sport túrleri boıynsha bólimsheler óz qyzmetin júzege asyratyn sport mektepteriniń óz menshiginde nemese jalǵa alynǵan sporttyq obektiniń (úı-jaıdyń) bolýy;
2) sport túrleri boıynsha bólimshelerde keminde 4 adamnan turatyn jattyqtyrýshy-oqytýshy quramynyń bolýy;
3) sport túrleri boıynsha bólimshelerde «Qazaqstan Respýblıkasy sport sheberine úmitker», «Qazaqstan Respýblıkasynyń sport sheberi», «Qazaqstan Respýblıkasynyń halyqaralyq dárejedegi sport sheberi» ataǵy bar sportshylardyń, respýblıkalyq jáne halyqaralyq jarystardyń chempıondary men júldegerleriniń bolýy;
4) sport túrleri boıynsha bólimshelerde keminde eki sporttyq jetildirý tobynyń bolýy (bir sporttyq jetildirý tobynda shuǵyldanýshylar sany damytylǵan sport túrine qaraı 3adamnan bastap 6 adamdy quraıdy).
7. Sport mektepteriniń jáne sport mektepteri bólimsheleriniń «mamandandyrylǵan» mártebesi ony ýákiletti organ bergen kúnnen bastap tórt jyl boıyna qoldanysta bolady.
8. Sport mektepterine «mamandandyrylǵan» mártebesin berý úshin qajetti qujattar:
1) dene shynyqtyrý jáne sport salasyndaǵy jergilikti atqarýshy organnan (budan ári – jergilikti organ) erkin nysanda jazylǵan qoldaýhat, onda sport mektebiniń shtat sany, sport mektebindegi sportshylardyń, jattyqtyrýshy-oqytýshylardyń quramy týraly aqparat bolady;
2) sport mektebine jatatyn sporttyq obektige (úı-jaıǵa) quqyq belgileıtin qujattardyń kóshirmeleri nemese sport mektebiniń oqýshylary sportpen shuǵyldanatyn sporttyq obektini (úı-jaıdy) jalǵa alý shartynyń kóshirmesi;
3) dárigerlik-dene shynyqtyrý dıspanseri men sport mektebiniń arasynda jasalǵan qoldanystaǵy sharttyń kóshirmesi.
9. Sport mektepteriniń bólimshelerine «mamandandyrylǵan» mártebesin berý úshin qajetti qujattar:
1) jergilikti atqarýshy organnyń erkin nysanda jazylǵan qoldaýhaty, onda sport túrlerinen bólimsheleriniń shtat sany, sport túrlerinen bólimshelerdegi sportshylardyń, jattyqtyrýshy-oqytýshylardyń quramy týraly aqparat bolady;
2) kóshirmeleri:
sport túrlerinen bólimshelerdiń oqýshylary sportpen shuǵyldanatyn sport mektebine jatatyn sporttyq obektige (úı-jaıǵa) quqyq belgileıtin qujattarynyń jáne sport túrlerinen bólimshelerdiń oqýshylary sportpen shuǵyldanatyn sport mektebimen jasalǵan sporttyq obektini (úı-jaıdy) jalǵa alý shartynyń kóshirmesi;
3) dárigerlik-dene shynyqtyrý dıspanseri men sport túrlerinen bólimshelerdiń oqýshylary únemi medısınalyq tekseristen ótetin sport mektebi arasynda jasalǵan qoldanystaǵy sharttyń kóshirmesi;
4) jergilikti atqarýshy organ bekitken sporttyq jetildirý toptarynyń tizimderi.
10. Sport mektepterine jáne sport mektepteriniń bólimshelerine «mamandandyrylǵan» mártebesin berýge usynylǵan qujattardy ýákiletti organ tirkelgen kúninen bastap 30 kúntizbelik kún ishinde qarastyrady.
11. Ýákiletti organ usynylǵan qujattardy qarastyrý qorytyndysy boıynsha sport mektepterine jáne sport mektepteriniń bólimshelerine «mamandandyrylǵan» mártebesin berý nemese berýden bas tartý týraly sheshim qabyldaıdy.
12. Sport mektepterine jáne sport mektepteriniń bólimshelerine «mamandandyrylǵan» mártebesin berýden bas tartqan jaǵdaıda ýákiletti organmen dáleldi jaýap beriledi.
13. Ýákiletti organnyń mártebe berý týraly sheshimi buıryqpen resimdeledi, buıryqtyń kóshirmesi sport mektepterine jáne sport mektepteriniń bólimshelerine «mamandandyrylǵan» mártebesin berýge qujattardy tapsyrǵan jergilikti organǵa jiberiledi.
Buıryq Qazaqstan Respýblıkasynyń Ádilet mınıstrliginde 2014 jylǵy 5 tamyzda Normatıvtik quqyqtyq kesimderdi memlekettik tirkeýdiń tizilimine №9676 bolyp engizildi.