Taldykólde tasqyn deńgeıi kóterilip, aýylǵa kiretin joldy sý basyp ketti. Osyǵan baılanysty, Atyraý qalasymen qatynasyn úzbeý úshin, TJD mamandary qaıyq arqyly tasymaldaý qyzmetin uıymdastyrdy.
Beıbarys aýyldyq okrýginiń ákimi Seıilbek Zulhashev qazirgi ýaqytta Taldykól aýylyn sý basý qaýpi tónip turǵan joq ekenin alǵa tartty. Qosymsha bekitý jumystary úzilissiz júrgizilip jatyr.
«Qaýipsizdikti qamtamasyz etý maqsatynda, Taldykól aýylynda Qorǵanys mınıstrliginiń 59 sarbaz, Tótenshe jaǵdaılar mınıstrliginiń 17 qyzmetkeri jáne arnaıy tehnıkalar jumyldyrylǵan»,
Atyraý oblysynyń TJ jónindegi jedel shtabynyń aqparatynda.
Eske salaıyq, buǵan deıin Taldykól aýylynan aldyn ala 207 turǵyn Atyraý qalasyndaǵy evakopýnktke kóshirildi. 422 adam óz qalaýymen týystarynyń úıine ornalasty.