Fransýz jazýshysy Stendal 1817 jyly Florensııaǵa barǵannan keıin: «Men Qasıetti Krest shirkeýinen shyqqan kezde júregim dúrsildep, ómirdiń jaryǵy taýsylyp, jerge qulap keterdeı sezindim», dep jazady.
Qalamgerdi erekshe tolǵandyratyn óner týyndylary basqa adamdarǵa da osylaı áser etýi múmkin, ıaǵnı jıi júrek soǵysy men bas aınalý.
Keıin ǵylymda mundaı psıhosomatıkalyq buzylys «Stendal sındromy» dep atalyp ketti. Munymen «aýyrǵan» adam sýret keńistigine enip ketkendeı sol kartınadan erekshe kúsh alady. «Stendal sındromy» ónerden bólek, tumsa tabıǵat, sulýlyq áserinen de paıda bolady.
Sol úshin de mýzeı aralaǵanda nemese kıeli oryndarǵa saıahat kezinde, ǵajaıyp kartınalardan áserlengende «Stendal sındromynan» abaı bolyńyz...