Jaqynda aqyn, aýdarmashy, Á.Bókeıhanov atyndaǵy syılyqtyń laýreaty Baqytjan Tobaıaqovtyń «Qobyz saryndary» atty óleńder jınaǵy AQSh-tyń Nıý-Iork shaharyndaǵy «Lıbertı» baspa úıinde aǵylshyn jáne orys tilderinde basylyp shyqty (Liberty Publishing House, 2014).
Kitaptyń alǵysózin jazǵan – tanymal kósemsózshi ári ǵalym, atalmysh baspanyń dırektory, amerıkalyq baspager Ilıa Levkov. Kólemi 115 bettik, ásem bezendirilgen kitap aǵylshyn tiline orys tilinen tárjimalanǵan. Aqynnyń osynaý lırıkalyq kitabynda Otanǵa degen súıispenshilik óleńderi, fılosofııalyq oı-tolǵamdar, mahabbat jyrlary toptastyrylǵan.
Týyndynyń tusaýkeser rásimin baspagerler ústimizdegi jyldyń sáýir aıynda Nıý-Iork qalasynda ótkizýdi josparlaýda. Bir eske sala ketetin jaıt, «Lıbertı» baspasy 2013 jyly qazaq ádebıetiniń klassıgi Ábdijámil Nurpeıisovtiń eki tomdyǵyn aǵylshyn tilinde basyp shyǵarǵan bolatyn.
«Egemen-aqparat».