Astanada qonaq úı kassasynan 1 mln 52 myń teńge urlandy, dep habarlaıdy Egemen.kz Polisia.kz-ke silteme jasap.
Astana qalasy PD Esil aýdany PB krımınaldyq polısııa qyzmetkerleri jedel-izdestirý is-sharalaryn júrgizý barysynda 28 jastaǵy qala turǵynyn anyqtady.
Anyqtalǵandaı, er adam túngi ýaqytta esigi ashyq qalǵan qonaq úıdi baıqaǵan, kúzetshiniń jáne ákimshiniń uıyqtap jatqanyn kórip, kassadan aqsha oralǵan paketti jasyryn alyp ketken. Qomaqty somanyń jartysyn keregine jaratyp úlgergen.
Habarlamada: «Atalǵan faktige qatysty qylmystyq is qozǵaldy, kúdikti kinásin moıyndady. Sondaı-aq onyń elorda aýmaǵynda jasalǵan taǵy eki urlyq faktisine qatysy bar ekeni anyqtaldy», delingen.