Áleýmettik jelide «Bas aspaz» ataýymen tanymal atyraýlyq Baǵdat Qadyrov oblystaǵy jaǵa bekitý jumystary kezinde óziniń qaıyrymdylyǵymen erekshe kózge tústi, dep habarlaıdy Egemen.kz.
Ol bóget kóterý jumystary júrip jatqan aımaqtarǵa baryp, azamattarǵa túski jáne keshki as daıyndap otyrǵan. Bul týraly О́ńirlik kommýnıkasııalar qyzmeti málim etti. Ol Atyraý qalasyndaǵy Erkinqala, Damba, Chehov, Talǵaıran shaǵyn aýdandary men Mahambet aýdanynyń Taldykól aýylynda aspazdyq etti. Al barlyq qarajatty óz esebinen shyǵaryp otyrǵan.
Jalpy B.Qadyrovtyń aspaz bolyp júrgenine 15 jyldan asqan. Qazirgi tańda ol fýd-blogerlikpen qosa, meıramhanalarda bas aspaz bolyp eńbek etedi.
Onyń aıtýynsha, munda ol óz erkimen, qıyn-qystaý shaqta jurtpen birge óz kómegin berýge kelgen.
Aıta keteıik, Baǵdat Qadyrov 2023 jyly Antalııada ótken álemdik aspazdar saıysynda elimizdiń namysyn qorǵap, 750 aspazdyń ishinen top jaryp, jeńimpaz atanǵan.