Jetisý oblysy boıynsha «Qazsýshar» fılıaly Aqsý, Alakól, Panfılov, Kóksý, Eskeldi aýdandarynda 6 jańa sý qoımasyn salý jumysyn júrgizip jatyr, dep habarlaıdy Egemen.kz.
Sý resýrstary jáne ırrıgasııa mınıstrliginiń habarlaýynsha, bul – sýmen qamtamasyz etilgen egis alqaptarynyń kólemin ulǵaıtýǵa jáne transshekaralyq ózenderge táýeldilikti azaıtýǵa múmkindik beredi. Qazirgi ýaqytta fılıal qaramaǵynda 4 sý qoımasy bar.
Al Qaratal aýdanynda sýarý kanaldaryn jóndeý jumystary jalǵastyrylyp jatyr, máselen Kúshik-qalpe magıstraldyq kanalynda uzyndyǵy 7 shaqyrym ýchaske mehanıkalyq ádispen tazalanyp, betondaý, dánekerleý jumystary, sondaı-aq gıdrotehnıkalyq qurylystar men gıdrobeketterdi jóndeý júrgizildi.