Memlekettik organdardyń laýazymdy adamdaryna para bergen kompanııa dırektory sottaldy, dep habarlaıdy Egemen.kz.
Astana qalasynyń qylmystyq ister jónindegi mamandandyrylǵan aýdanaralyq sotynda «№2 jáne №5 nan bazasy» «Astyq qoımalary» JShS ókildikteriniń burynǵy dırektory Júsipov M. 8 jyl 6 aıǵa bas bostandyǵynan aıyryldy.
«Ol memlekettik organdardyń laýazymdy adamdaryna asa iri mólsherde dándi daqyldardy jymqyrý faktisi boıynsha qylmystyq jaýaptylyqtan jaltarý úshin 350 myń AQSh dollary somasynda para berdi degen kúdikke ilindi.
Sot úkimimen para berýge ıtermelegeni jáne alaıaqtyqqa oqtalǵany úshin I. Barabash pen T. Demesınov árqaısysy 10 jylǵa bas bostandyǵynan aıyryldy. Sonymen qatar Qostanaı qalasy № 2 sotynyń úkimimen Qostanaı advokattar alqasynyń advokaty O.V. Bransevke qatysty úkim jarııalandy», delingen habarlamada.
Ol alaıaqtyq pen para berýge ıtermeleýge oqtalǵany úshin kináli dep tanyldy.
«O.V. Bransev quqyq qorǵaý organdarynyń laýazymdy adamdaryna qylmystyq jaýaptylyqtan jaltarý úshin para berý syltaýymen óziniń qorǵaýshysy A.K. Sansyzbaevtyń 600 myń teńge mólsherindegi aqshalaı qarajatyn zańsyz ıemdengen. Oǵan paranyń 20 eselengen somasy 12 mln teńge mólsherinde aıyppul túrinde jaza taǵaıyndalyp, memlekettik qyzmette qyzmet atqarýǵa ómir boıyna tyıym salyndy», dep habarlady Antıkor.
Sot úkimderi zańdy kúshine engen joq.