Aqmola oblysynyń polıseıleri jumbaq jaǵdaıda joǵalyp ketken qoıshyny izdeýge kómek suraıdy, dep jazady Egemen.kz.
57 jastaǵy er adam sońǵy ýaqytta shalǵaıdaǵy Jarqaıyń aýdanynda eńbek etip júrgen. Bir apta buryn ol kenetten joǵalyp ketken.
Dáýletbaı Kákesh joǵalar aldynda birneshe apta buryn sharýashylyqqa jumysqa ornalasqan. Buǵan deıin ol otbasymen birge Astanada turyp kelgen.
22 mamyrda sharýa qojalyǵynyń qyzmetkerleri qoıshysyn taba almaı qaldy. Ol jaıylymda da, ózi turǵan vagonda da joq bolyp shyqty. Aldymen olar óz kúshterimen izdeýge tyrysqan, al tórt kúnnen keıin kásiporyn basshysy polıseılerden kómek surady. Joǵalǵan malshyny izdeýge 50 adam shyqqan. Qatarynda polısııa qyzmetkerleri, TJD qutqarýshylary jáne eriktiler bar.
- О́tinishti alǵannan keıin birden polıseıler keń aýqymdy izdeý jumystaryn uıymdastyrdy. Arnaıy izdestirý is-sharalaryn júrgizý úshin qyzmettik tehnıka, motorly qaıyqtar bólindi, dron arqyly áýeden de qaradyq,- deıdi qutqarýshylar.
Polıseıler jumbaq jaǵdaıda joǵalǵan azamatty tabýǵa halyqtan kómek suraýda.