Sınoptıkterdiń boljamynsha, elimizdiń basym bóliginde turaqsyz aýa raıy saqtalady. Atap aıtqanda, naızaǵaı oınap, burshaq túsedi, qatty jel soǵyp, jańbyr jaýady, ońtústik-shyǵystyń taýly aımaqtarynda jańbyr men qar aralas jaýyn-shashyn, soltústik óńirde nóser jańbyr jaýady dep kútiledi, dep habarlaıdy Egemen.kz.
Elimizdiń batys jáne ońtústik aımaqtary antısıklonnyń yqpalynda bolǵandyqtan munda jaýyn-shashynsyz aýa raıy saqtalady. Respýblıkamyzdyń ońtústik-batysynda jel soǵady, soltústik, soltústik-batys óńirlerde túngi jáne tańerteńgi ýaqytta tuman bolady dep kútiledi. Túnde Shyǵys Qazaqstan oblysynyń shyǵysynda, Soltústik Qazaqstan oblysynyń soltústik-shyǵysynda synap baǵany 1-3 gradýs sýyqty kórsetip, úsik júredi dep boljanady.
Atyraý oblysynyń ońtústiginde, soltústiginde, Batys Qazaqstan oblysynyń batysynda, soltústiginde, ortalyǵynda, Jetisý oblysynyń shyǵysynda, Túrkistan oblysynyń ortalyǵynda, soltústik-shyǵysynda, Jambyl oblysynyń batysynda, shyǵysynda, Qostanaı óńiriniń ońtústiginde, Aqtóbe oblysynyń batysynda órt qaýpi saqtalady.
Shyǵys Qazaqstan oblysynyń ońtústiginde, Qyzylorda oblysynyń ortalyǵynda joǵary órt qaýpi kútiledi.
Túrkistan oblysynyń shóleıtti aýdandarynda, Batys Qazaqstan oblysynyń batysynda (Jánibek aýdanynyń batys bóliginde), Atyraý oblysynyń batysynda, Qyzylorda oblysynyń shyǵysynda tótenshe órt qaýpi bolýy yqtımal.